Reglubundið viðhald á bílnum – tryggir öryggi og að bíllinn sé ávallt í lagi


    Að hausti til og vetri. Lágt hitastig, mikill raki, snjór, hálka og tærandi salt og sandur á götunum. Ökumenn eiga að búast við slíkum aðstæðum og búa bílana sína vandalega undir þær. Bifvélavirkjar hjá viðurkenndum umboðsaðilum Skoda annast allt eftirlit og vinna nákvæmlega í samræmi við leiðbeiningar frá framleiðanda. Þess vegna getur þú treyst því að þeir búi bílinn þinn á fullkominn hátt undir vetraraksturinn.

    Skipt yfir á vetrarhjólbarða og eftirlit

    Vetrarhjólbarðar eru nauðsynlegir til að tryggja öruggan akstur. Þeir hafa mun meira grip og hreinsa sig betur en sumarhjólbarðar. Mælt er með notkun þeirra þegar útihitastigið fellur niður fyrir
    +7°C.

    Mynstursdýptin skiptir einnig miklu máli. Samkvæmt sérfræðingum í hjólbörðum á mynstursdýpt að vera að  minnsta kosti 4 mm. Láttu Skoda umboðið meta ástand hjólbarðanna undir bílnum þínum og varahjólbarðans áður en vetur gengur í garð. Skiptu út gömlum hjólbörðum fyrir nýja ef nauðsyn krefur.  Þú getur geymt þá hjólbarða sem þú þarft ekki á að halda hjá Skoda umboðinu þar sem geymsla þeirra er í samræmi við leiðbeiningar framleiðanda. Ástand hjólanna er athugað á ný og þau jafnvægisstillt áður en næsta árstíð gengur í garð.

     

    Hemlakerfi – sjónræn athugun dugar ekki

    Hemlakerfi – sjónræn athugun dugar ekki
    Fullkomið ástand hemla lýsir sér ekki eingöngu í skjótum viðbrögðum kerfisins. Hemlakerfið verður að virka á öll hjól á sama tíma og með sama átaki. Þótt allt virðist í lagi við fyrstu sýn kemur hið sanna ekki í ljós fyrr en við athugun á hemlaprófunarbraut. Við mælum með því að þú látir mæla virkni hemlanna hjá viðurkenndum þjónustuaðila með tækjabúnaði sem er viðurkenndur af framleiðanda.

    Eins er nauðsynlegt að mæla bremsuvökvann. Sé hitastig hans ekki í samræmi við það sem mælt er með, (er m.ö.o. lægra), geta myndast loftbólur í bremsuvökvanum sem draga úr virkni hemlanna. Þetta getur haft alvarlega hættu í för með sér, ekki síst í akstri að vetrarlagi og í brekkum.

     

    Kælikerfið

    Auk þess að kanna þéttleika og almennt ástand kælikerfisins er mjög mikilvægt að kanna magn og hlutfall frostlagar í kerfinu og bæta við frostlegi ef þörf krefur.

    Hlutfall frostlagar í kælivökvanum þarf að vera að minnsta kosti 40%. Þegar vélin er hæfilega kæld er vísirinn á hitamælinum mitt á milli “MIN” og “MAX”, en þegar vélin ofhitnar er vísirinn yfir “MAX”.

     

    Rafgeymir

    Sérstaklega mikið álag verður á rafgeyminn að vetrarlagi. Í köldu veðri er aðeins hluti af afkastagetu rafgeymisins tiltækur við ræsingu. Tæmist hann getur frosið á honum við fáeinar gráður undir frostmarki.


    Þess vegna mælum við með því að þú látir athuga rafgeyminn hjá viðurkenndum þjónustuaðila Skoda áður en veður fer að kólna og látir endurhlaða hann, hreinsa rafskautin og herða á þéttingum, ef nauðsyn krefur. Auk þess ætti að mæla þéttni raflausnarinnar og bæta á geyminn eimuðu vatni ef þörf krefur. Það er sömuleiðis góður siður að hafa startkapla í bílnum yfir vetrartímann. 

     

    Rúðuþurrkur

    Mikilvægi góðra rúðuþurrka er oft vanmetið. Þegar öllu er á botninn hvolft veltur öryggi þitt á því hversu vel þú sérð út um framrúðuna. Almenna reglan er sú að skipta um þurrkublöð einu sinni til tvisvar á ári. Kannaðu hversu skilvirk þurrkublöðin eru og fylltu rúðuvökvageyminn.

    Til að koma í veg fyrir að þurrkublöðin frjósi föst við framrúðuna er lausn að setja pappa milli þeirra og rúðunnar. Þrýstingsrúðuþurrkur á að losa frá rúðunni og setja í vetrar- eða þjónustustillingu. Ekki beita átaki til að losa rúðuþurrkur sem frjósa fastar við framrúðuna og ekki setja þurrkurnar á því það getur skemmt þurrkublöðin og sjálfan mótorinn.

     

    Athugun á aðalljósum

    Við mælum með því að þú látir athuga virkni aðalljósanna í tækjabúnaði sem er sérhannaður fyrir athugun af þessu tagi hjá viðurkenndum þjónustuaðila. Gakktu ennfremur úr skugga um að í bílnum sé aukaöryggi og aukaperur fyrir allar gerðir útiljósa.

    Snjó og ís má fjarlægja af aðalljóskerunum með mjúkum bursta og afísingarvökva sem er sérstaklega ætlaður til þeirra nota. Notið aldrei harða sköfu sem getur skemmt verndarhimnu á aðalljóskerunum.

     

    Bíllinn þveginn að vetrarlagi

    Þrátt fyrir vandaða ryðvörn getur ís og vatn á bílnum myndað örlitlar sprungur á lakkvörn yfirbyggingarinnar sem skaðvænleg saltupplausn af götunum á greiða leið inn í. 

    Almennt er mælt með því að bíllinn sé þveginn á tveggja til þriggja vikna fresti til að hreinsa af honum salt af götunum. Mikilvægt er að þurrka vel læsingar eftir að bíllinn er þveginn og að hemlarnir séu prófaðir. Það nægir að stíga nokkrum sinnum á hemlafetilinn til þess að þurrka hemlabúnaðinn. Ef bíllinn er þveginn reglulega er mikilvægt að hreinsa ennfremur bremsudiskana og hjólkoppana svo komið sé í veg fyrir að götusalið nái að vinna spjöll.

     

    Hvað annað ætti að vera til staðar?

    • Afísingarvökvi – læsið hann ekki inni í bílnum
    • Gúmmímottur – í neyðartilvikum er hægt að setja þær undir hjólin til að gefa bílnum grip og losa hann úr sjálfheldu
    • Pappaspjald til að verja framrúðuna, pappaspjöld undir rúðuþurrkur, snjóskafa, afísingarvökvi, snjókústur, poki með grófkorna sandi
    • Vasaljós og auka rafhlöður
    • Fullur brúsi af varaeldsneyti
    • Hanskar
    		  
     
    Tegundir
    Um Škoda
    Nýjungar
    Hafðu samband
    © ŠKODA AUTO a.s. 2012. Allur réttur áskilinn.